Повеќе од дваесет години, Вивијан Брушез следи една единствена визија: да се искачи со скии на сите 82 врвови во Алпите, повисоки од 4 000 метри. Потфат од огромни размери, воден од трпение, посветеност, пријателства и доживотната поврзаност со планините.

Но, како што проектот се приближува кон својот крај, нешто почнува да се менува.

Она што некогаш изгледало како чисто истражување, постепено открива една покревка рамнотежа. Желбата да се заврши, да се комплетира списокот, почнува да ги замаглува границите за кои Вивијан некогаш верувал дека се јасни. Во тишината и изложеноста на високите Алпи, планините стануваат нешто повеќе од простор за авантура — стануваат огледало.

Далеку од традиционалните приказни за освојување и достигнувања, овој филм е интимен портрет на човек, кој се соочува со сопствените противречности: со поривот да продолжи понатаму и со сè поголемата свест за она што го чека долу. Помеѓу високите моменти исполнети со радост, заедничките мигови, ризикот и мислата за враќање дома, Вивијан открива дека ниедно големо патување не го остава човекот непроменет.

Зашто ништо навистина големо не може да се постигне, без да оставиш дел од себе - зад себе.

Дел планински филм, дел лична рефлексија, „4 000 метри од дома“ го истражува реткиот момент во кој ранливоста станува поважна од постигнувањето...