По пет експедиции во период од дванаесет години, Дејвид Гетлер конечно застанува на врвот на Нанга Парбат (8125 м). Неговиот успех е тешко стекнат, но постигнат со најголема можна самостојност.

За разлика од експедициите со целосна поддршка, што ги организираат комерцијалните оператори, овој современ Сизиф не се искачува по стандардната насока, туку по сложената и изолирана „Насока на Шел“, која се движи низ огромната Рупал страна на Нанга Парбат, пред да продолжи кон горниот дел од Диамир страната...

Педесет години по нејзиното прво искачување, Дејвид Гетлер на тој начин го демонстрира врвот на современиот алпинизам на големи височини — искуство што го обликувало не само како алпинист, туку и како човек.